大老闆

o係英國既大老闆Ｎ小姐下個星期黎香港，我老細既老細話Ｎ好鐘意洗錢，所以吩咐我要做歡樂小姐~~ 陪Ｎ去shopping! Shopping不嬲都係我強項，不過買自己野就話強jeh, 宜家係陪人買野喎，又完全唔知佢鐘意Ｄ咩, 之前又要同佢單獨食lunch喎, 仲要全情明珠台添！ 對於我呢個唔識（用英文）social既人黎講, 呢件真係天大既苦差！！！！ 既要頭痛同佢去邊度shopping, 又要諗下去邊度食lunch, 仲要係quick lunch先攞命, 因為佢話晒係高級人士黎架嘛, 同佢食正常lunch都話可以選D好少少既餐廳（其實來來去去都係果幾間），宜家食個快既, 唔通真係同佢去麥記咩！ 另外去shopping又唔知去邊好，上海灘就一定走唔甩, 咁去完又去邊？ 去Landmark? 果Ｄ牌子英國都大把啦，我Ｄ同事仲好笑, 叫我同佢去ZARA, 大佬呀叫佢o係ＨＫ買返歐洲野, 即係叫中國人去法國買毛筆jeh, 咁不如叫佢去Marks & Spencer啦！ 唉，唯有頂硬上啦！ ＋＿＋