我的他
曾經好羨慕一d朋友, 因為佢地既男朋友好溫柔體貼, 對佢地無微不至, 例如會o係佢地生日或特別日子, 一早訂定位,買定花同禮物幫佢地慶祝; 當佢地唔舒服既時候又會成日打電話問侯; 又會失驚無神o係佢地工作既地方等佢, 然後預備定節目同佢地去街!
而我老公卻係一d都唔浪漫既人, 佢一定會事先打定電話俾我約好晒, 先會黎我公司樓下等我, 因為佢慌死我走左佢會白等; 以前每次收到佢既禮物, 我都好想拎返去換, 因為佢既taste真係.... 呢幾年我學精左, 我會o係生日前同佢去行下街, 指俾佢睇我覺得啱駛既野, 期望佢會買一份合心意既禮物俾我, 結果...佢一係買錯左隔離果樣一係就直頭唔記得左我鐘意d咩=.=!
不過, 同佢相處左咁多年, 我明白佢係一個實際既人! 同佢一齊唔會有咩浪漫驚喜, 但係佢會俾我安全感; 佢雖然唔會成日噓寒問暖, 但會o係我發燒既時候通宵守候o係床邊, 為我敷毛巾同探熱; 佢會為左呢個家努力工作; 佢會o係我傷心既時候陪我留淚禱告; 佢會好好珍惜呢份感情! 比起送貴重既禮物同做浪漫驚喜既事, 佢呢一份心意反而先至最適合我!
posted by Pig Pig @ 6:10 PM
9 Comments:
驚喜keep唔到一世o既...
你老公呢d先叫"好難忍"ma! :D
為你搵到個咁好o既另一半而高興! :)
咁我都祝你早日搵到個好既另一半! ;)
豬豬...婚姻係靠感情而唔係激情維繫既. 單眼
星期五個晚見到佢好眼訓, 第二日仲要返工添, 但你同我地傾得咁投契, 佢只係默默係度hup眼訓, 完全冇話要走既意圖.
呀花係好老公o黎架..笑
Didn't you tell me flower bought all those kitty magnets and put it at home during lunch time to give you a surprise??
That's already very good la.. don't be so greedy la =P
benny, 旁觀者清ma :)
btw, 其實都唔敢話教人. 識教人就唔會仲係孤家寡人...
btw, 我都記得果件KITTY事件... 算好好好好架啦! :)
亞花係"好難忍"，比我o既感覺好舒服！與佢溝通，用一個眼神就明！醒目仔o黎o架！
你地唔好剩係讚佢, 讚下我呀, 唔該! 面仔紅下紅下!
豬豬, 留番俾呀花讚你咪得囉...
達達, 孤家寡人未必一定唔好既 :)
阿花係好難忍
豬豬係好累人
這樣天生一對的生物, 在那裡找啊!!!!!!
Post a Comment
<< Home